Achega o teu gran de area á conservación do Courel

Pese as denuncias públicas do colectivo SOS Courel (a presentación á administración de máis de 20.000 sinaturas contra o aproveitamento mineiro da Serra do Courel e a favor da súa conservación e da posta en marcha de iniciativas de emprego e conservación ambiental, e a movilización cidadá) o Courel continúa a estar ameazado pola presión dunha industria que nada ten que ver co desenvolvemento sustentable e coa conservación dun dos territorios de maior interese ambiental e etnográfico do noso país.

Unha vez que o goberno bipartito semella volver a dar as costas á cidadanía, nun continuismo incomprensible de submisión aos intereses económicos duns poucos e que recorda a tempos pasados, desde SOS Courel vémonos na obriga de emprender accións xudiciais para defender a legalidade.

Como o custo de todos estes procedementos, desgraciadamente é sempre proporcional a “magnitude da desfeita”, non temos máis remedio que pedir e aceptar doazóns. Por iso para todas e todos aqueles que estean interesados na defensa ambiental e cultural do Courel poñemos a súa disposición o noso nº de conta en La caixa:

2100 | 2183 | 56 | 0200181109

De seguido ofrecémosche a posibilidade de descargar a carta íntegra enviada por SOS Courel para que todas e todos poidamos colaborar economicamente ou, cando menos, difundido entre os nosos contactos a súa petición.